മറ്റൊരു പദത്തിനും കീഴടങ്ങാതെ നില്‍ക്കുന്ന പ്രധാന ക്രീയയാണ് മുറ്റുവിന. പൂര്‍ണ്ണ മായ അര്‍ത്ഥം നല്‍കുന്ന ഈ ക്രിയകള്‍ പൂര്‍ണ്ണ ക്രീയ എന്നും അറിയപ്പെടുന്നു .
ഉദാ: പറയുന്നു, പോകുന്നു, വരുന്നു, ചെയ്യുന്നു മുതലായവ..
ഈ ഓരോ ക്രീയയും പൂർണ്ണമായ ആശയം നൽകുന്നുണ്ടല്ലോ...
ഇനി,
ഇതിന്റെ നേർ വിപരീതമായ ക്രീയാ ശബ്ദമാണ് പറ്റു വിന..
ഇതൊരു അപൂർണ്ണ ക്രീയയാണ്. അപ്രധാന ക്രിയ എന്നും പറയാറുണ്ട്.
മറ്റേതെങ്കിലും പദത്തോട് ' പറ്റി' നിൽക്കുമ്പോൾ മാത്രം അർത്ഥം പൂർണ്ണമാകുന്ന ക്രീയയാണിത്. അതിനാൽ ഇതിന് അപൂർണ്ണ ക്രീയ എന്നും പേരുണ്ട്.
ചില ഉദാഹരണങ്ങൾ നോക്കൂ..
ചെയ്യുന്ന, ചെയ്ത, പറഞ്ഞ, പറയുന്ന,കേട്ട ,കണ്ട,വന്ന, പോയ ... തുടങ്ങിയവ ഉദാഹരണങ്ങളാണ്.
'കണ്ട' കാര്യം,
'പറയുന്ന ' കേട്ടു
'ചെയ്ത ' ജോലി
ഇതൊക്കെ ശ്രദ്ധിക്കൂ
കണ്ട, പറയുന്ന, ചെയ്ത തുടങ്ങിയ ക്രിയകൾ തനിച്ച് നിൽക്കുമ്പോൾ അർത്ഥമില്ലാതിരിക്കുകയും മറ്റൊരു പദത്തോട് ചേർന്ന് നിന്നപ്പോൾ അർത്ഥപൂർണ്ണത വന്നതും ശ്രദ്ധിച്ചിരിക്കുമല്ലോ.
ഇനി പറ്റു വിനയെ പേരെച്ചമെന്നും വിനയെച്ചമെന്നും രണ്ടായി തിരിച്ചിട്ടുണ്ട്. അത് അടുത്ത ക്ലാസിൽ ...
