നാമം, പ്രകാരം

A) നാമം.
───────
"ദ്രവ്യത്തിന്റെയോ ക്രിയയുടെയോ ഗുണത്തിന്റെയോ പേരായ ശബ്ദമാണ് നാമം"

✳ നാമങ്ങൾ 4 വിധം;
✔ ദ്രവ്യനാമം
✔ ഗുണനാമം
✔ ക്രിയാനാമം
✔ സര്‍വ്വനാമം

⛔1.ദ്രവ്യനാമം.
= വസ്തുക്കളൂടെ പേരായ ശബ്ദത്തിന് ദ്രവ്യനാമം എന്നു പറയുന്നു.
ഉദാ:- മല, കൃഷ്ണൻ, താജ്മഹൽ.

ദ്രവ്യനാമവും 4 വിധമുണ്ട് ⬇

🔶സംഞ്ജാനാമം:
ഒരു പ്രത്യേക വ്യക്തിയേയോ,പ്രത്യേക വസ്തുവിന്റെയോ നാമമാണ് ഇത്.
ഉദാ:- രാമൻ, കൃഷ്ണൻ, രാധ, രാജു, ഭാരതപ്പുഴ, ആനമുടി.

🔶സാമാന്യനാമം:
= ഒരേയിനത്തിൽപ്പെട്ട വസ്തുക്കൾക്കോ വ്യക്തികൾക്കോ പൊതുവായിപ്പറയുന്ന പേരാണ് സാമാന്യനാമം.
ഉദാ:- പുഴ, നദി, മൃഗം, മനുഷ്യൻ.

🔶മേയനാമം:
= ഒരു വ്യക്തിയായോ ജാതിയായോ സമൂഹമായോ തരം തിരിക്കാനാവാത്തതാണ് മേയനാമം.
ഉദാ:-വെയിൽ, മഴ, ഇരുട്ട്.

🔶സമൂഹനാമം:
= ഒരു കൂട്ടത്തെക്കുറിക്കുന്ന നാമമാണ് സമൂഹനാമം എന്ന് പറയുന്നത്. ഉദാ. പറ്റം, ഗണം തുടങ്ങിയവ.

⛔2. ഗുണനാമം.
= "നിറത്തേയോ തരത്തേയോ സ്വഭാവത്തേയോ കുറിക്കുന്ന നാമമാണ് ഗുണനാമം."

ഉദാ:- വെളുപ്പ്, കറുപ്പ്, മിടുക്കൻ, സുന്ദരി.

⛔3.ക്രിയാനാമം.
=" ഒരു ക്രിയയിൽ നിന്നും ഉണ്ടാകുന്ന നാമമാണ് ക്രിയാനാമം. അഥവാ ക്രിയയുടെ പേരാണ് ക്രിയാനാമം."

ഉദാ:- ഓട്ടം, ചാട്ടം, ചിരി, കരച്ചിൽ, നടത്തം.

⛔4. സര്‍വ്വനാമം.
= സർവ്വനാമം 3 വിധമുണ്ട് ⬇

🔶ഉത്തമപുരുഷസർവ്വനാമം (First Person). =പറയുന്ന ആളിനു പകരം നിൽക്കുന്ന ശബ്ദമാണ് ഉത്തമപുരുഷസർവ്വനാമം.
ഉദാ:- ഞാൻ, നമ്മൾ, തൻ, എൻ

🔶മദ്ധ്യമപുരുഷസർവ്വനാമം (Second Person).
= കേൾക്കുന്ന ആളിനു പകരം നിൽക്കുന്ന ശബ്ദം.
ഉദാ:- നീ , നിങ്ങൾ, താൻ.

🔶പ്രഥമപുരുഷസർവ്വനാമം (Third Person).
=ആരെപ്പറ്റിപ്പറയുന്നുവോ അവർക്കു പകരം നിൽക്കുന്നു. ഉത്തമ , മദ്ധ്യമപുരുഷസർവ്വനാമങ്ങളൊഴികെ മറ്റെല്ലാം ഇതിൽപ്പെടുന്നു.
ഉദാ:- അവർ, അവൾ, അവർ

B) പ്രകാരം.
─────────
"ധാതു അതിന്റെ അർത്ഥത്തെ പ്രകാശിപ്പിക്കുന്ന രീതിയാണ് പ്രകാരം." പറയുന്ന ആളിന്റെ മനോഭാവം പ്രകടമാക്കാൻ പ്രകാരം പ്രയോജനപ്പെടുന്നു.

പ്രകാരം 6 വിധമുണ്ട് ⬇

⛔1. നിർദ്ദേശക പ്രകാരം =ഭൂതകാലത്തിലൊ, ഭാവി കാലത്തിലൊ, വർത്തമാനകാല രൂപത്തിലൊ വരുന്ന ക്രിയാ രൂപം.
ഉദാ: കൊടുത്തു, കൊടുക്കും, കൊടുക്കുന്നു

⛔2. നിയോജക പ്രകാരം =ക്രിയയുടെ അർത്ഥം ആജ്ഞാ രൂപത്തിൽ വരുന്നത്. "ആട്ടെ" എന്ന് അവസാനിക്കും.
ഉദാ: അയാൾ ഇവിടെ വരട്ടെ.

⛔3. വിധായക പ്രകാരം =ഉപദേശം, വിധി, ശീലം എന്നീ അർത്ഥങ്ങൾ വരുന്ന പ്രകാരം.
ഉദാ: നിങ്ങൾ പോകണം, നാളെ വരണം.

⛔4. അനുജ്ഞായക പ്രകാരം =സ്വയം സമ്മതം സൂചിപ്പിക്കുന്ന ക്രിയയാണ് അനുജ്ഞായക പ്രകാരം .
ഉദാ:തരാം, പറയാം, ചെയ്യാം

⛔5. ആശംസ പ്രകാരം =ആംശംസയുടെ അർത്ഥത്തിൽ വരുന്ന പ്രകാരം
ഉദാ: അങ്ങ് വിജയിക്കട്ടെ.

⛔6. പ്രാർത്ഥകപ്രകാരം =പ്രാർത്ഥനയുടെ
അർത്ഥത്തിൽ വരുന്ന പ്രകാരം
ഉദാ: എന്നെ രക്ഷിക്കണമേ